jangeJadiSupoJALI

#jangeJadiSupoJALI
Jali duk nengung depe serambi rumoh dio. Dio duk perati jah budok2 hok duk lalu depe rumoh dio. Duduk smeta dia napok jiran dio Mek Nab pimpin anok jate dio. Metong molek mari alah rumoh dio. Ble2 jale, duk sengeh sapa ko tlingo. Dale hati Jali kato, bakpo pulok Mek Nab ni. Jadi gong duk sengeh2. Sapa depe rumoh Mek Nab tegur Jali.
"Jali! Cik mung ado dumoh ko?" Soal Mek Nab.
"Cik ado. Duk nyayur dapur. Ado gapo Kak Nab?" tanyo Jali pulok.
"Acu panggil Cik mung mari meta,"
"Cik! Ooo Cikkk... Acu mari smeta. Kak Nab mari ni," kato Jali.
Ko keh ko keh bunyi alik dapur.
"Ado gapo pulok?" soal Mek Minoh.
"Tok tahu la Cik. Napok duk sengeh2 supo kere nih. Ado la tuh nok royak gapo," kato Jali.
"Ooo... Sedak mulut mung Jali kato aku kere deh," kato Mek Nab.
Mek Minoh derah tutup api dapur. Dio pun tubik luar.
"Gapo dio Nab? Aku duk nyayur dapur nih," kato Mek Minoh.
"Dop! Aku nok oyak, bidin ni bulih 5A UPSR baru ni. Pah dio bulih masuk skoloh asrama penuh. Esok aku nk buat make2 la sikit. Nk ajok mung mari dumoh. Tapi mung keno mari awal. Tulong aku masok. Jange mari make sajo," kato Mek Nab. Jali duk perati jah gapo hok Mek Nab royak. Duk meta dio ngiling palo.
"Takpo la gitu gak. Esok aku gi," kato Mek Minoh. Mek Nab pun herek la anok dio Bidin gi madoh rumoh ore lain plok. Jali dop breti lagi ngiling palo.
"Gak bakpo mung ni duk ngiling ni Jali," tanyo Mek Minoh.
"Ho lah. Anok credik. Bleh 5A prikso. Jadi ko mok dio tu bakpo bodo sangat," kato Jali.
"Bodo guano pulok mung nih?" soal Mek Minoh braso pelek.
"Ho lah. Ore nok ata anok ni biarlah asrama hok tok penuh ore. Braso lego la sikit. Ni nok ata anok skoloh asrama penuh. Doh kalu penuh nok duduk mano? Nyanyo narak keno tido kaki limo. Baik tok cerdik la gini," kato Jali.
"Ahhh... sudoh. Aku nok jawab guano tok tahu ko mung. Baik aku gi nyayur la..." kato Mek Minoh.