.... 😄
🌻PANTUN RAMADHAN🌻
Marut niur awan parudan
Tulakan aruh dirumah musak
Senayan masuk 3 ramadhan
Umat islam wajib berpuasak
Arom baunya sibunga dahliak
Banyak tumbuh dihiga telagak
Bulan ramadhan bulan muliak
Rukun islam yg nombor tigak
Dipadang tagah banyak sasiur
Mati saikong teranjah pukat
Waktu subuh sunat bersahur
Mudahan puasa berulih barkat
Kekanakan gigir main patakan
Ada yg makan nasi besangak
Dalam hadis nabi madahkan
Jagalah mata, ilat awan talingak
Handak kawin kanalah benikah
Hanyar sah ngarannya laki-bini
Bulan puasa labihkan sedekah
Ganjaran pahala ganal sekali
Abah keparit mengalau haruan
Uma dirumah meulah tangguk
Amun puasa jgn kada kakaruan
Papagian dah nyelungkar periuk
Tasipak tunggul batisku lukak
Kasai ubat dirumah penghuluk
Sampailah masa waktu berbukak
Disunatkan makan tamar huluk
Uyuh begawi berihat satumat
Sambil mkn semangkuk serawa
Waktu berbuka jgn mkn behimat
Tesandar kekanyangan ilah ular sawa
Urang banjar samu'an kulaan
Mun betamuan rawa merawa
Ngini hanyar hari yg mulaan
29 hari lagi kada tahu kayak apa
Herman tino suaranya garau
Amun menyanyi salimpang tapih
Imbah berbuka berataan kesurau
Kita jemaah solat terawih
Ngukut belanak sampai tangaharik
Cagar nyaman meulah tampakan
Solat terawih setahun sekalik
Rugi banar amun ditinggalkan
Burung undan terabang randah
Kana pingkalung halarnya patah
Bulan ramadhan bulan barakah
Jangan kalumpanan bayar fitrah
Meulah sumur dihiga bandang
Hagan nyaman handak mandik
Amun ada umur nang panjang
Tahun hadap kita betamuan lagik
Dalam sungai banyak buhaya
Jangan cangkal handak maluntak
Amun ada yg tesambat, takuya
Mohon maaf berelaanlah kitak. Kulaan Ku..
No comments:
Post a Comment